ТРЭНІРОЎКА ПЕРАД КУБКАМ

У перапынку паміж першым і другім кругамі “Граніт” знаходзіцца ў актыўным пошуку новых ігракоў.

Нестабільнае фінансаванне каманды не вытрымалі 6 чалавек. У ліку тых, хто пакінуў клуб, – варатар Дзяніс Парэчын, літоўцы Дарус Міцейка і Андрус Шыдлаўскас. У каманду прыбылі трое новых футбалістаў, сярод іх – абаронца кіеўскага “Арсенала” Андрэй Распопаў, вядомы ў нашай краіне па гульні за магілёўскі “Днепр” і мінскае “Дынама”.

У суботу, 25 ліпеня, на стадыёне ў Мікашэвічах “Граніт” правядзе таварыскую сустрэчу з камандай першай лігі “Баранавічы”. Пачатак у 16 гадзін. Гэта будзе свайго роду рэпетыцыя перад матчам 1/16 фіналу Кубка Беларусі, у якім нашы землякі 8-9 жніўня сустрэнуцца ў гасцях з рэчыцкім “Ведрычам -97”.