У КРОКУ АД ЕЎРАПЕЙСКАЙ “БРОНЗЫ”

У літоўскім Каўнасе завяршыўся маладзёжны чэмпіянат Еўропы па лёгкай атлетыцы.

За зборную Беларусі выступаў наш зямляк Эдуард Міхан. 20-гадовы спартсмен робіць толькі першы крок у “маладзёжцы”, таму змагацца з ужо вопытнымі атлетамі, складана. На працягу двух спякотных дзён вялі барацьбу дзесяціборцы. Эдуард Міхан заняў чацвёртае месца, прапусціўшы наперад галандца, француза і серба. Выступленне нашага земляка – усё ж, поспех, тым больш, што ён здолеў абысці расійскага спартмена Аляксандра Зябрэва, якому прадказвалі чэмпіёнскі тытул.