Спорт

У ХАКЕЙ ГУЛЯЮЦЬ САПРАЎДНЫЯ МУЖЧЫНЫ

Анонс

25-26 лютага на лядовай арэне “Алімп” адбудзецца хакейны турнір, прысвечаны
Дню абаронцаў Айчыны.

У спаборніцтвах прымуць удзел
выхаванцы ДЮСШ па зімовых відах спорту. Уваход бясплатны. Пачатак з 9.30.

ХХХ

АТЭСТАЦЫЯ НА ПАЯСЫ

22 лунінецкія “самураі” трымалі экзамен у Пінску.

У першыню ў няпростым
выпрабаванні бралі ўдзел 9 юных каратыстаў, і трэба сказаць, паспяхова.
Прадэманстраваўшы набытыя навыкі, усе яны пацведзілі, што годныя белых паясоў.
5 спартсменаў паспяхова здалі экзамен на сіні пояс (8 кю). Урачыстае ўручэнне
адбудзецца падчас суботняй трэніроўкі, на якую запрашаюцца бацькі юных
каратыстаў.

Лёгкая атлетыка

МНАГАБОРАЦ МАЦНЕЙ ЗА СПРЫНТАРАЎ

У Гомелі завяршылася рэспубліканская ўніверсіяда.

Удзел у спаборніцтвах бралі і
былыя выхаванцы Лунінецкай спартыўнай школы. Мнагаборац Эдуард Міхан на гэты
раз выступаў у асобных відах. У бегу на 60 метраў ён аказаўся хутчэйшым за
спрынтараў і перамог з вынікам 6,89 секунды. У скачках з шастом ён паказаў
трэці вынік – 4 метры 60 сантыметраў. У гэтым жа відзе, выступаючы па-за
конкурсам, Дзмітрый Гашчук пераадолеў планку на вышыні 5 метраў. Сярэбраным
прызёрам у трайным скачку стала Таццяна Нагорная – 12 метраў 68 сантыметраў.

Лыжы

СІНКЕВІЦКІЯ ЛЫЖНІКІ – НА ВЫШЫНІ

Мірская лыжня сабрала на спаборніцтвы прадстаўнікоў “вертыкалі”, сілавых
структур, аграгарадкоў і ўсіх аматараў лыжнага спорту.

Лунінецкі райвыканкам
прадстаўлялі: старшыня Васіль Агіевіч, яго намеснік Сяргей Бойка, галоўны
аграном Яўген Багданец і начальнік аддзела па справах моладзі Наталля Верас.
Усе яны выступілі нядрэнна і спыніліся паблізу ад прызавой тройкі. Бронзавых
узнагарод удастоілася каманда аграгарадка Сінкевічы. У “сямейнай” эстафеце не
было роўных сям’і Альшэўскіх з гэтага ж населенага пункта ў складзе:
Аляксандра, Вольгі, а таксама іх сына Уладзіміра.

НА ФІНІШНЫМ АДРЭЗКУ

Захапіўшы лідарства ў “афганскім”
турніры па міні-футболе, каманды “Палессеэлектрамаш” і “ІП” у апошніх матчах,
што пройдуць у выхадныя, высветляць, каму ж дастанецца Кубак.

За трэцяе месца таксама будзе
няпростая барацьба.

НАШЫ ПАЧЫНАЮЦЬ І ПРАЙГРАЮЦЬ

У Гомелі ў Палацы гульнявых відаў спорту адбыўся матч чаргова тура
чэмпіянату краіны па міні-футболе паміж камандамі “БЧ” і “Базар”.

Лунінчане актыўна пачалі паядынак
і першымі дабіліся поспеху. Зрабіў гэта Аляксандр Рапецкі на трэцяй хвіліне
гульні. Аднак гаспадараў не задавольваў такі расклад, і яны актывізавалі
дзеянні ў другім тайме, забіўшы тры мячы ў вароты “Базара”. Лунінчанам зусім
крыху не хапіла, каб звесці матч на нічыю. Гол Вадзіма Бандарука дазволіў
толькі да мінімуму скараціць разрыў. 3:2 – складаная перамога гамяльчан.

Пасля сенсацыйнай перамогі над
“МАПІДам” “гранітаўцы” не змаглі супрацьстаяць суседу па турнірнай табліцы
светлагорскаму “ЦКК”. У гасцявым паядынку мікашэвіцкія футбалісты не здолелі
пераламіць націск сапернікаў і прайгралі 2:6. У “гранітаўцаў” вызначыліся
Дзяніс Кіслюк і Яўген Пашкевіч.

Показать больше

Похожие статьи

Кнопка «Наверх»
Закрыть
Закрыть