Спорт

УЛАСНЫ ЎДЗЕЛ – ЛЕПШЫ ПРЫКЛАД ДЛЯ ПЕРАЙМАННЯ

Хакей

У гэтым упэўнены супрацоўнікі РАУС, па ініцыятыве якіх у мінулую нядзелю адбыўся хакейны турнір з удзелам каманд “Лунінец”, “Іванава” і абласнога ўпраўлення ўнутраных спраў аблвыканкама.


Яшчэ да пачатку турніра ў Лядовай арэне адчуваўся святочны настрой: яго дапамагалі ствараць валанцёры Чырвонага Крыжа, работнікі грамадскага харчавання. Ды і на трыбунах панаваў узняты настрой. Балельшчыкі абмяркоўвалі прадстаячыя гульні і дзяліліся думкамі наконт таго, хто ж стане мацнейшым. У іх радах былі вучні класаў прававовага накірунку з мікашэвіцкай СШ №2 і Бастынскай СШ, прадстаўнікі праваахоўных органаў з суседніх Ганцавіч і Століна, а таксама ўсе, хто проста любіць спорт. У рамках мерапрыемста адбылася акцыя “Шчырае сэрца”, якая дапамагае цяжкім падлеткам зарыентавацца ў правільным выбары жыццёвага шляху. Невыпадкова, што яны таксама прыйшлі падтрымаць каманды і далучыцца да здаровага ладу жыцця.

Урачыстая цырымонія адкрыцця прайшла ў цёплай добразычлівай абстаноўцы. Удзельнікаў спаборніцтваў вітаў старшыня райвыканкама Васіль Агіевіч. Начальнікі абласнога УУС Уладзімір Сычэўскі і КДБ Ігар Бусько, якія дарэчы таксама выйшлі на лёд у якасці ігракоў, выказалі ўпэўненасць, што спорт – гэта не толькі здароўе, фізічная сіла, а лепшы сябар у прафілактычнай рабоце са злачыннасцю.

Пры актыўнай падтрымцы першымі ўступілі ў барацьбу каманды “Іванава” і “УУС”. Каманда “сілавікоў” аказалася мацней і выйграла з лікам 4:2. “Лунінец” у няпростым паядынку перайграў “Іванава” – 3:2 – і ўзяў верх над “УУС” – 3:0.

Як гаворыцца, у такіх турнірах галоўнае не перамога, а ўдзел. І ўсё ж, віншуем каманду “Лунінец” з заслужанай перамогай. Другое месца занялі міліцыянеры, трэцяе – іванаўцы.

Пераможцы і прызёры атрымалі крыштальную вазу і кубкі, прадастаўленыя фундатарамі – РУВП “Граніт” і станцыяй Лунінец. Спецыяльныя падарункі былі ўручаны прадстаўнікам класаў правога накірунку і сацыльнага прытулку.

Анонсы

ПАМЯЦІ МАШЭРАВА

Традыцыйны маладзёжны турнір па баскетболе прыме старт у
суботу, 24 сакавіка.

Першымі ўступяць у барацьбу жаночыя каманды. Спаборніцтвы
адбудуцца на базе сельскагаспадарчага каледжа.

УСЕ – НА КРОС

Выпрабаваннем на вынослівасць стане крос на прызы газеты
“СБ”.

Спаборніцтвы пройдуць 28 сакавіка ў сасновым бары ў раёне
ліцэя.

Баскетбол

ПЕРАМОГА ДЗЯТЛАЎЧАН

Фінал раённых спаборніцтваў па баскетболе ў рамках
раённай спартакіяды школьнікаў адбыўся ў Луніне.

Прызавыя месцы разыгралі чатыры мацнейшыя каманды.
Першымі выйшлі на пляцоўку юнакі СШ №4 і Дзятлавіцкай СШ. З лікам 31:18
перамаглі вяскоўвыя спартсмены. Паядынак паміж школьнікамі Кажан-Гарадокскай СШ
і гаспадарамі завяршыўся вынікам 32:22. У барцьбе за трэцяе месца СШ №4
абыграла Лунінскую СШ – 30:28. А перамогу, як і летась, заваявалі дзятлаўчане,
якія ў рашаючай гульні абыгралі равеснікаў з Кажан-Гарадка – 39:30. Лепшым
іграком названы Аляксандр Кузьміч з Дзятлавіч.

Міні-футбол

ТУРНІРНАЕ СТАНОВІШЧА СТАБІЛЬНАЕ

Пакуль не мяняецца тройка лідараў у чэмпіянаце краіны па
міні-футболе, якая даволі сур’ёзна адарвалася ад праследавальнікаў. Нашы ж
каманды дэманструюць пераменны поспех, таму і адпаведныя месцы ў турнірнай
табліцы.

На гэты раз парадаваў “Базар”: у Бабруйску лунінчане
перайгралі “Кіраўск-Белшыну” з лікам 10:7. Тройчы вызначыліся Аляксандр
Рапецкі, Дзмітрый Троцкі, Уладзімір Сазонаў і аднойчы Міхаіл Санюковіч.

У Магілёве “Граніт” сустракаўся з суседам па турнірнай
табліцы “Спартландыяй” і ўступіў з лікам 2:5. Галы ў мікашэвіцкай камандзе
забілі Дзяніс Кіслюк (з пенальці) і Яўген Пашкевіч.

У наступным туры, 1 красавіка, “Граніт” згуляе дома з
“Дынама-БНТУ”, а “Базар” – з “Лідсельмашам”.

Показать больше

Похожие статьи

Кнопка «Наверх»
Закрыть
Закрыть