Спорт

З ПРЫЦЭЛАМ НА ЕЎРОПУ

Лёгкая атлетыка

 

У Гомелі адбыўся турнір па лёгкай атлетыцы нацыянальнага маштабу, пасля якога будзе сфарміраваны састаў, які адправіцца ў Парыж на Чэмпіянат Еўропы.

У спаборніцтвах прымаў удзел і наш зямляк Эдуард Міхан. Задача перад ім стаяла няпростая – набарць у сямібор’і 5900 ачкоў, што адпавядае нарматыву Майстра спорту міжнароднага класа, ці паказаць восьмы вынік у Еўропе. З першага віда – бегу на 60 метраў, дзе Эдуард паказаў хуткія секунды – 6,88, стала відавочна, што форму спартсмен набраў нядрэнную. У штурханні ядра ўстанавіў асабісты рэкорд –14.41 метра. А вось скачкі ў даўжыню і вышыню зноў падвялі – 7.16 і 1.93 метра. Парадавалі вынікі ў бегу на 60 метраў з бар’ерамі – 8,09 секунды, скачках з шастом – 4 метра 50 сантыметраў і на кіламетровай дыстанцыі – 2.37,89 хвіліны. Усяго 4 ачкі не хапіла Эдуарду да неабходнай сумы. Бліжэйшыя дні пакажуць, ці хопіць гэтага, каб трапіць у нацыянальную зборную.

 

Валейбол

“ГРАНІТ” БЕЗ ПАРАЖЭННЯЎ

Працягваецца чэмпіянат раёна па валейболе. Пакуль без страт выступае толькі мікашэвіцкі “Граніт”.

У мінулыя выхадныя адбыліся чарговыя туры. “Спецжалезабетон” перайграў “Лясгас” з лікам 3:2. Такім жа вынікам завяршыліся паядынкі паміж “Гранітам” і “Фемідай”, “Фемідай” і “Рэдзігерава”, “Гранітам” і “Беларусбанкам”. Трэба сказаць, што нягледзячы на паражэнне, згодна з палажэннем, прайграўшыя каманды запішуць на свой рахунак па аднаму ачку. Лік 3:0 быў зафіксаваны ў матчах: “Рэдзігерава” – “Беларусбанк”, “Міжлессе” – “ДПТК”, “ДПТК” – “РАУС”, “Спецжалезабетон” – “Дварэц”, “Лясгас” – “ДПТК”, “Спецжалезабетон” – “РАУС”. Сустрэча “Дварэц” – “Міжлессе” завяршылася перамогай дварэцкіх валейбалістаў – 3:1.

Такім чынам, колькасць прэтэндэнтаў на выхад у плэй-оф спаборніцтваў да “сеяных” – “Граніта”, “Феміды”, “Беларусбанка” і “Рэдзігерава” – далучыліся “Лясгас” і “Спецжалезабетон”. Барацьба абвастраецца, таму што пуцўкі толькі чатыры.

 

ТРЭЦІЯ Ў ВОБЛАСЦІ

У Лунінцы сабраліся фіналісты жаночага абласнога першынства сярод каманд устаноў прафтэхнавучання.

У лік шасці мацнейшых трапілі валейбалісткі політэхнічнага каледжа, на базе якога і праходзілі спаборніцтвы. У напружанай барацьбе нашы дзяўчаты занялі трэцяе месца.

 

Стральба

КАМАНДНАЯ БРОНЗА

Спаборніцтвы па стральбе з пнеўматычнай вінтоўкі абласной арганізацыйнай структуры ДТСААФ адбыліся ў Брэсце.

Каманду Лунінецка-Ганцавіцкай МРАС прадстаўлялі вучні лунінецкай СШ № 2 Дзмітрый Канапацкі і Аляксандр Анафілец, а таксама ліцэіст Уладзіслаў Гардзіевіч. У выніку камандных спаборніцтваў юнакі паказалі трэці вынік і ўдастоены бронзавай узнагароды.

 

Міні-футбол

НА РОЎНЫХ З “ГАСПАДАРОМ”

У Мікашэвічах адбыўся матч 12-га тура чэмпіянату краіны па міні-футболе ў першай лізе.

“Граніт-2” сустракаўся з баранавіцкім “Гаспадаром”. На працягу ўсяго паядынку назіралася роўная барацьба. Гасцей ад паражэння выратаў 10-метровы на апошняй хвіліне матча. 6:6 – канчатковы лік гульні. Мячы ў камандзе нашых землякоў забілі Самусевіч, Гнедзька, Скакалкін (2), Кухліч і Байда.

26 лютага “Граніт-2” адправіцца ў Бабруйск, дзе сустрэніцца з лідэрам групы камандай “Кіраўск-ДЮСШ”.

Показать больше

Похожие статьи

Кнопка «Наверх»
Закрыть
Закрыть