Упершыню ў сваёй спартыўнай кар’еры наш зямляк Эдуард Міхан браў старт у дарослым Чэмпіянаце Рэспублікі Беларусь па лёгкаатлетычным мнагабор’і, які праходзіў на мінулым тыдні ў Магілёве.
Учарашні юніёр камфортна адчуваў сябе на бегавых дарожках, сектарах для кідання і скачкоў. У адсутнасці лідэра зборнай Беларусі Андрэя Краўчанкі, з якім, дарэчы, Эдуард разам трэніруецца, ён апярэдзіў многіх вядомых спартсменаў і ўзышоў на вышэйшую прыступку п’едэстала гонару. Паказаны ім вынік уражвае – 5671 ачко: 60 метраў – 7,05 секунды, ядро – 13.34 метра, скачкі ў вышыню – 191 сантыметр, у даўжыню – 7.43 метра, з шастом – 4.60 метра, 60 метраў з бар’ерамі – 8,50 секунды, 1000 метраў – 2.42,0 хвіліны. Так трымаць!
