Да сустрэчы, «Дэльфін»!
Спорт

Да сустрэчы, «Дэльфін»!

Спартыўны сезон у ДЮСШ па плаванню завершаны. Настаў час падвесці вынікі. Адміністрацыя і трэнерскі калектыў пастараліся зрабіць гэта ярка, урачыста і святочна.

Задоўга да пачатку лінейкі бацькі і навучэнцы спартыўнай школы сталі збірацца каля басейна “Дэльфін”. Трэба сказаць, сумаваць ім не давялося. Гучала музыка, а правесці некалькі хвілін на лаўках у кветкавым “царстве”– адно задавальненне.

Урачыстасць адкрыў “Венскі вальс” у выкананні танцавальнага калектыву “Мірыданс”, многія ўдзельнікі якога з’яўляюцца навучэнцамі ДЮСШ па плаванню. Павіншавалі юных спартсменаў з заканчэннем сезона трэнеры. Кожны з іх падрыхтаваў для сваіх падапечных падзячныя лісты. Трэба было бачыць, як ззялі вочы малышоў, калі ім уручалі такія важныя знакі ўвагі за іх самаадданасць, цярплівасць і імкненне авалодаць сакрэтамі ўсіх відаў плавання. Цёплымі словамі вітала навучэнцаў і іх бацькоў старшы трэнер-выкладчык Марыя Самандык.

Алімпійскіх вяршынь юныя плаўцы яшчэ не дасягнулі, але сярод іх ужо ёсць лідары. Так, у дзясятку лепшых спартсменаў трапілі Дзяніс Яраховіч, Маргарыта Вярэніч, Іван Занько, Руслан Кругавец, Сяргей Прытуленка, Арсеній Дударга, Вольга Жук, Мікіта Раковіч, Марына Серада і Дзяніс Грышко.

Адміністрацыя ДЮСШ вылучыла яшчэ адну намінацыю “Спартсмен-навучэнец года”. Сёлета гэтага звання ўдастоена Аліна Трухановіч. Дырэктар спартыўнай установы Аксана Кулакевіч уручыла дзяўчынцы вымпел, кубак і адпаведны дыплом. У заключным слове Аксана Сцяпанаўна павіншавала ўсіх з заканчэннем спартыўнага сезона і выказала спадзяванне, што ўсе навучэнцы працягнуць трэніроўкі ў наступным вучэбным годзе і абавязкова змогуць дабіцца поспеху як у спорце, так і ў жыцці.

IMG_4481 IMG_4482 IMG_4483 IMG_4489 IMG_4491 IMG_4493 IMG_4497 IMG_4503 IMG_4509 IMG_4511 IMG_4512 IMG_4516 IMG_4517 IMG_4521 IMG_4525 IMG_4526 IMG_4527 IMG_4528 IMG_4534 IMG_4536 IMG_4542 IMG_4544 IMG_4545 IMG_4547 IMG_4550 IMG_4554 IMG_4556 IMG_4563 IMG_4564 IMG_4569 IMG_4571 IMG_4575 IMG_4576 IMG_4585 IMG_4594 IMG_4595 IMG_4599 IMG_4604 IMG_4606 IMG_4609 IMG_4611 IMG_4613 IMG_4614 IMG_4615 IMG_4620 IMG_4626 IMG_4629 IMG_4639 IMG_4661

Теги



Кнопка «Наверх»
Закрыть
Закрыть