Ураджэнец Лунінца ўзначаліў “БАТЭ”
Спорт

Ураджэнец Лунінца ўзначаліў “БАТЭ”

футболКіраўнік праўлення “БАТЭ” Анатоль Капскі пацвердзіў інфармацыю аб тым, што Аляксандр Ермаковіч заняў пасаду галоўнага трэнера клуба:

– Для нас Ермаковіч –родны чалавек. Для яго ФК “БАТЭ” – не пусты гук. Віктар Ганчарэнка, які падпісаў нядаўна  кантракт з камандай расійскай прэм’ер-лігі “Кубань”, хацеў, каб Ермаковіч паехаў з ім, але мы прапанавалі Аляксандру Уладзіміравічу стаць галоўным трэнерам. Ён не выбіраў фінансавыя ўмовы, бо ў расійскай прэм’ер-лізе, напэўна, мог бы зарабіць больш, а вырашыў застацца ў нашым клубе. Па словах новага трэнера, ён яшчэ не ўсё зрабіў у БАТЭ, таму застаецца і будзе рабіць усё, каб клуб не толькі заставаўся на тым узроўні, якога дасягнуў, але і рухаўся далей.

Аляксандр Ермаковіч – не новы для “БАТЭ” чалавек. Ён на працягу пяці гадоў уваходзіў у трэнерскі штаб Ганчарэнкі. Зразумела, нейкіх момантаў яму будзе не хапаць, але ён валодае поўнай інфармацыяй пра сітуацыю ў клубе, пра ігракоў. Да таго ж, кіраўніцтва ФК зробіць усё, што ад яго залежыць, каб дапамагчы Ермаковічу ў станаўленні.



Кнопка «Наверх»
Закрыть
Закрыть