Машыніст канвеера РУВП “Граніт” Наталля Кучынская ўжо доўгі час на  добраахвотнай аснове дапамагае падапечным аддзялення дзённага знаходжання інвалідаў філіяла ТЦСАН у Мікашэвічах.

Разам з іншымі гараджанамі-валанцёрамі яна стала ўдзельніцай  цудоўнага свята, якое днямі ладзілі ў мясцовай службе сацыяльнага абслугоўвання. Падчас мерапрыемства у адрас гасцей гучалі шчырыя словы ўдзячнасці і падзякі за сардэчнае цяпло, актыўную жыццёвую пазіцыю, міласэрнасць і неабыякавасць. Прыгожа адзобіў сустрэчу канцэрт, які падрыхтавалі наведвальнікі аддзялення дзённага знаходжання інвалідаў і іх сябры.