Ва ўсе часы, ва ўсе вякі будуць жыць палешукі!
![Ва ўсе часы, ва ўсе вякі будуць жыць палешукі!](/upload/resize_cache/medialibrary/a54/780_470_2/c6quzyy40664y3yojycel1g9pl0uq2jv.jpeg)
![](http://www.old.webworking.site/wp-content/uploads/2018/09/%D0%B7%D0%BE%D0%B2.jpg)
Міжнародны фестываль этнакультурных традыцый “Кліч Палесся” ў пяты раз прайшоў у аграгарадку Ляскавічы на Петрыкаўшчыне. Мерапрыемства, якое праводзіцца адзін раз у два гады, сабрала самабытныя калектывы не толькі з Беларусі, але і з Расіі, Украіны, Польшчы. Удзел у ім брала і дэлегацыя Лунінеччыны на чале са старшынёй райвыканкама Аляксандрам Пачко, які разам са старшынёй Жыткавіцкага райвыканкама Віктарам Атліванавым сустракаў на мяжы абласцей Брэсцкага губернатара Анатоля Ліса.
![](http://www.old.webworking.site/wp-content/uploads/2018/09/%D0%B7%D0%BE%D0%B21.jpg)
Прысвечаны Году малой радзімы фестываль прадэманстраваў, наколькі беражліва на Палессі адносяцца да захоўвання ўнікальных рысаў нацыянальнай культуры. Своеасаблівай яго візітоўкай стаў вялікі канцэрт фальклорных калектываў, удзел у якім разам з іншымі браў наш народны ансамбль песні і музыкі “Шляхцічы”.
![](http://www.old.webworking.site/wp-content/uploads/2018/09/%D0%B7%D0%BE%D0%B22.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B23.jpg)
На ўзбярэжжы канала, які вядзе да Прыпяці, па традыцыі размясці-ліся пляцоўкі раёнаў беларускага Палесся і шматлікія гандлёвыя рады, багатыя на ўнікальныя творы народных рамёстваў. Разам з іншымі высокагустоўныя прадметы разьбярства па дрэве прапаноўваў і жыхар Вялікіх Чучавіч Сяргей Гнедзька.
![](http://www.old.webworking.site/wp-content/uploads/2018/09/%D0%B7%D0%BE%D0%B24.jpg)
Па-мастацку аформленыя “падворкі” расказвалі пра тое, чым адметны рэгіёны Палескай нізіны. Іх самабытнасць, а таксама творчы падыход у невялікіх тэатралізаваных прадстаўленнях разам з Міністрам культуры Рэспублікі Беларусь Юрыем Бондарам ацэньвалі губернатары Гомельскай і Брэсцкай абласцей Уладзімір Дворнік і Анатоль Ліс. Нашу вобласць прадстаўлялі Лунінеччына, Піншчына і Століншчына.
![](http://www.old.webworking.site/wp-content/uploads/2018/09/%D0%B7%D0%BE%D0%B25.jpg)
Вясельны абрад “Як прыедзеш у Дварэц, дык адразу – пад вянец!”, падрыхтаваны культработ-нікамі Лунінецкага раёна, выклікаў вялікую цікавасць у гледачоў, а народныя ансамблі песні і музыкі “Весніца”, “Вандроўнікі”, фальклорныя калектывы “Світанак” з Дзятлавіч і “Жывіца” з Вулькі 1 да позняга вечара весялілі ўдзельнікаў незвычайнага фестывалю.
![](http://www.old.webworking.site/wp-content/uploads/2018/09/%D0%B7%D0%BE%D0%B26.jpg)
Актыўна працаваў гандаль. Выстаўку-дэгустацыю ладзіў філіял “Грамадскае харчаванне” райспажыўтаварыства, частуючы гасцей шматлікімі прысмакамі.
![](http://www.old.webworking.site/wp-content/uploads/2018/09/%D0%B7%D0%BE%D0%B27.jpg)
Аж да самай Прыпяці несла наваколле іскрыстае рэха свята, якое пераканаўча сцвярджала: ва ўсе часы, ва ўсе вякі будуць жыць палешукі!
![](http://www.old.webworking.site/wp-content/uploads/2018/09/%D0%B7%D0%BE%D0%B28.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B29.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B210.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B211.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B212.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B214.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B213.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B215.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B216.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B217.jpg)
![](http://www.old.webworking.site/wp-content/uploads/2018/09/%D0%B7%D0%BE%D0%B218.jpg)