Раённы фота- і відэаконкурс “Пад сцягам маёй краіны!” працягваецца на Лунінеччыне.

Удзельнічаць у ім могуць усе жыхары раёна. Для гэтага да 10 верасня неабходна даслаць каляровыя ці монахромныя фотаздымкі з дзяржаўнай сімволікай (у арыгінальным выкананні ці мастацкай апрацоўцы) на электронную пошту ideolog@luninetsrik.by ці адрас Лунінецкага райвыканкама (вул. Чырвоная, 1). У суправаджальнай картцы ўказваюцца прозвішча, імя і імя па бацьку аўтара, кантактная інфармацыя (паштовы адрас, тэлефон, e-mail), аўтарская назва здымка (суправаджальнага тэкста) ці серыі (пры гэтым здымкі абавязкова пранумераваць), дата і месца здымак.

Арганізатары - аддзел ідэалагічнай работы і па справах моладзі Лунінецкага райвыканкама, раённыя арганізацыі ГА "БРСМ" і "Белая Русь" - вызначылі наступныя намінацыі:

– “Твары Беларусі” – удзельнікі могуць размалёўваць твары ў колег сцяга Беларусі ці выкарыстоўваць яго колеры ў элементах аддзення;

– “Пад сцягам Беларусі” – для стварэння фота выкарыстоўваецца Дзяржаўны сцяг Рэспублікі Беларусь ці яго колеры ў рамках мерапрыемстваў, а таксама аматарскія здымкі на фоне сцяга;

– “Сямейнае фота са сцягам” – фотаздымкі павінны адлюстроўваць традыцыйныя сямейныя каштоўнасці, мацярынства і бацькоўства, пераемнасць пакаленняў. У работах абавязкова выкарыстанне Дзяржаўнага сцяга Рэспублікі Беларусь;

– “Малая радзіма пад сцягам Беларусі” – для стварэння фота выкарыстоўваецца Дзяржаўны сцяг Рэспублікі Беларусь, а таксмаа помнікі гісторыі і культуры Рэспублікі Беларусь, яе прыродна-ландшафтныя адметнасці, народныя святы і традыцыі.

Асобная намінацыяй вызначаны відэаролікі ў сацыяльнай сетцы Tik-Tok, у якіх выкарыстоўваецца Дзяржаўны сцяг Рэспублікі Беларусь ці яго колеры.

Пераможцы раённага фота- і відэа-конкурса ўзнагароджваюцца каштоўнымі прызамі і падарункамі.

Далучайцеся да нашага канала ў Telegram