Шаноўныя праваслаўныя хрысціяне! Прыміце сардэчныя віншаванні са светлым святам Вялікадня!

Традыцыі гэтай урачыстасці зыходзяць з глыбіні стагоддзяў. Хрыстова Уваскрэсенне – сімвал любові і згоды, вечнае свята абнаўлення, невычэрпная крыніца высокіх маральных каштоўнасцей хрысціянства.

Як квітнее прырода нашага краю ў веснавыя дні, так і сэрца чалавека пазбаўляецца ад холаду абыякавасці. Кожны знаходзіць у гэтым асаблівы сэнс, сувымяраючы свае думкі і ўчынкі з высокімі хрысціянскімі каштоўнасцямі. Вялікдзень абуджае ў нас імкненне рабіць добрыя справы, акружаць цяплом і клопатам тых, хто мае патрэбу ў чуласці і спагадзе, быць міласэрнымі і несці блізкім увагу. Няхай радасць Уваскрэсення Хрыстова прынясе ўзаемаразуменне ў вашы сем’і, натхніць на ўвасабленне высакародных задум і напоўніць сэрцы верай і надзеяй у светлы і цудоўны свет. Шчыра жадаем вам шчасця, здароўя, міру, радасці, росквіту беларускай зямлі!

Раённы выканаўчы камітэт.

Раённы Савет дэпутатаў.