Спорт

Галы – на зайздрасць

граніт-хімікНягледзячы на тое, што мошкі і камары актывізуюцца пад вечар, гэта не напалохала сапраўдных аматараў спорту падтрымаць каманду “Граніт”, якая на стадыёне “Палессе” ў мінулую суботу прымала светлагорскі “Хімік”.

Магчыма, з-за таго, што матч пачаўся са спазненнем на 20 хвілін (па прычыне адсутнасці машыны “Хуткай дапамогі”), пачатак гульні нагадваў трэніровачны сяброўскі паядынак. Мяч больш трымаўся ў сярэдняй зоне, вострых момантаў не было, а варатары нават “сумавалі”. Праз хвілін 30, быццам размяўшыся, “гранітаўцы” актывізавалі свае дзеянні. І адна з атак пасля прастрэльнай перадачы завяршылася голам, аўтарам якога стаў капітан каманды Уладзімір Кавалёнак. “Граніт” “прачнуўся”, і балельшчыкі ўбачылі тую гульню, дзеля якой яны прыйшлі на стадыён. Барацьба цалкам перамясцілася на палову гасцей. Націск быў настолькі адчувальны, што абарона “Хіміка” пахіснулася. А дакладны ўдар Максіма Бердніка прыкладна з 23-25 метраў параўнальны з тымі, што ў сусветным маштабе трапляюць у лік лепшых галоў месяца. 2:0 – з такім вынікам каманды адправіліся на перапынак. Другая палова гульні была таксама цікавай, але забітых голаў балельшчыкі больш не ўбачылі.

Показать больше

Похожие статьи

Одно Сообщение

Кнопка «Наверх»
Закрыть
Закрыть