Як адзначыла падчас гутаркі ўрач-нефролаг Алена КАЗУН Лунінецкай ЦРБ, яна не ўяўляе сябе ў іншай прафесіі: «Медыцына – маё ўсё!».

Выпускніца тагачаснага ліцэя паступіла ў Віцебскі ордэна дружбы народаў медыцынскі ўніверсітэт, пасля якога працавала ўчастковым тэрапеўтам у Бастынскай амбулаторыі. Удала спалучыла прафесію з мацярынствам, і пасля дэкрэтнага водпуску лячыла пацыентаў у Дварцы.

А 13 год таму прапанавалі ўзначаліць аддзяленне гемадыялізу ў раённай бальніцы.

– Людзі могуць разлічваць на нашу дапамогу 24 гадзіны ў суткі, – расказвае Алена Рыгораўна. – Працуем у тры змены. Калі раней лячэння ў стацыянары часцей патрабавалі пацыенты з гламеруланефрытамі, то цяпер на першае месца выходзяць цукровы дыябет, як прычына ныркавай недастатковасці, і артэрыяльная гіпертэнзія.

У аддзяленні вядзецца ліст чакання донарскага органа, і штогод ёсць паспяховыя вынікі.

Далучайцеся да нашага канала ў Telegram