У Мінску прайшла міжнародная спецыялізаваная выстава-кірмаш “ПРОДЭКСПО”. Як звычайна, на ёй вытворцы прэзентуюць навінкі і свае самыя папулярныя прадукты.

Па традыцыі ўдзел у ёй прымала і ААТ “Лунінецкі малочны завод”. Па выніках дэгустацыйнага конкурсу харчовай прадукцыі масла салодкасметанковае несалёнае з пажытнікам удастоена Гран-пры ў аднайменнай намінацыі. Спецыяльным прызам журы адзначаны кефір “А2” (гандлёвая марка “Асаблівы”), а лепшым інавацыйным прадуктам пры-знана масла салодкасметанковае несалёнае “А2” (“Асаблівае”).

Варта адзначыць, што, акрамя беларускіх прадпрыемстваў, сваю прадукцыю на стэндах прадставілі Расія, В’етнам, Узбекістан і Туркменістан.

НА ЗДЫМКУ: узнагароды прымае намеснік дырэктара завода па эканоміцы і камерцыйных пытаннях Наталля Гаргун.

Далучайцеся да нашага канала ў Telegram